Windows 11 Desktop, Icons, Taskbar, Gadgets, Background Aur Screen Saver – Full Guide in Hindi

 

Infographic showing Windows 11 desktop customization features including centered taskbar, desktop icons, widgets panel, background and screen saver settings

Windows 11 Desktop, Icons, Taskbar, Gadgets, Background Aur Screen Saver – Full Guide in Hindi

Jab aap apna computer ya laptop on karte hain, sabse pehle jo screen dikhai deti hai  wahi Desktop hota hai. Windows 11 ne desktop ke design ko aur zyada clean, stylish aur customizable bana diya hai. Is desktop par hi aapko icons, taskbar, background, aur widgets jaise elements dikhte hain jinke through aap apne system ko operate karte hain.

Aaj ke is blog me hum detail me samjhenge ki Windows 11 me desktop, icons, taskbar, aur personalization (jaise background aur screen saver) kaise kaam karte hain, aur kaise aap apne computer ko apne style ke hisaab se customize kar sakte hain.

Desktop Kya Hota Hai?

Sochiye aapka mobile phone ka home screen — jisme app icons, wallpaper aur widgets dikhte hain waise hi aapke computer ka desktop hota hai. Is par aap frequently used apps ya folders ke shortcuts rakh sakte hain. Desktop ek virtual workspace hota hai jahan aapke system ke important elements visible hote hain, jaise:

  • Icons (shortcuts)
  • Taskbar
  • Start Menu
  • Recycle Bin
  • Widgets panel
  • Aur aapka background wallpaper

Windows 11 me desktop interface ko minimal aur centered banaya gaya hai. Pehle ke versions jaise Windows 7 ya 10 me Start button left corner me hota tha, lekin Windows 11 me ye center me shift ho gaya hai  jisse use karna aur bhi easy aur stylish lagta hai.

Icons Kya Hote Hain?

Windows 11 ke desktop par jo chhoti chhoti images ya symbols dikhte hain, unhe hum Icons kehte hain. Ye icons kisi folder, file, application, ya system tool ka shortcut hote hain  jin par double click karke aap us program ko directly open kar sakte hain.

Icons system ke use ko fast aur organized banate hain. Windows 11 me icons ko customize, rename, delete, reposition, aur even hide bhi kiya ja sakta hai. Aap apne desktop ke icons ka size, spacing aur alignment bhi badal sakte hain.

Types of Icons in Windows 11:

  1. System Icons – Recycle Bin, This PC, Network, Control Panel, etc.
  2. Application Icons – Microsoft Word, Chrome, Excel, VLC, etc.
  3. Folder Icons – Documents, Projects, Screenshots, etc.
  4. File Icons – Word file (.docx), PDF (.pdf), Image (.jpg/.png), etc.
  5. Shortcut Icons – Kisi bhi application ka shortcut banakar desktop par rakh sakte hain.

Windows 11 Me Desktop Icons Kaise Manage Karein?

Maan lijiye aapne MS Word ka shortcut desktop par banaya hai. Jab aap us icon par double-click karenge, MS Word directly open ho jayega — bina Start Menu ya search box me jaayein.

1. Icon Ka Rename Karna:

  • Icon par right-click karein → Rename option select karein
  • Naya naam type karein → Enter dabayein

2. Icon Ko Move Karna (Reposition):

  • Icon par left-click karke hold karein
  • Mouse se icon ko drag karke nayi jagah le jaayein

3. Icon Ka Size Change Karna:

  • Desktop par right-click karein → View → Select Small, Medium, ya Large icons

4. Icons Ko Hide Ya Show Karna:

  • Right-click on Desktop → View → Uncheck Show desktop icons (agar hide karna hai)
  • Wapas show karne ke liye phir se us option ko check karein

Taskbar Kya Hota Hai? Windows 11 Me Kya Naye Features Hain?

Taskbar ek horizontal strip hota hai jo Windows ke screen ke neeche (bottom) part me hota hai. Iska main kaam hai running applications, system notifications, date/time, battery status, aur Start Menu tak quick access dena. Windows 11 me taskbar ka design puri tarah se modernize kiya gaya hai  ab iska layout center aligned hai, jo use aur visually appealing banata hai.

Taskbar ke Key Components:

  1. Start Button (center me) – Start Menu open karne ke liye
  2. Pinned Applications – Jaise Chrome, File Explorer, Microsoft Edge
  3. Task View Button – Virtual desktops aur recent activities ke liye
  4. Widgets Button – Weather, news, stock updates, etc.
  5. System Tray (right side) – Time, battery, Wi-Fi, sound, notifications
  6. Search Bar/Icon – Quick search karne ke liye
  7. Chat (Microsoft Teams) – Instant messaging aur video calls ke liye

Windows 11 Me Taskbar Ko Customize Kaise Karein?

Sochiye aap apne phone ke bottom bar me WhatsApp, YouTube, aur Camera ka shortcut rakhte hain waise hi Windows ka taskbar bhi har frequently used app ko ek click me access karne deta hai. Windows 11 me taskbar sirf ek navigation tool nahi balki ek productivity booster ban gaya hai. Stylish icons, smooth animations aur central layout isey aur attractive banate hain.

1. Taskbar Me App Pin/Unpin Karna:

  • Kisi app par right-click karein → Select Pin to taskbar
  • Unpin karne ke liye: Right-click on taskbar icon → Unpin from taskbar

2. Taskbar Alignment Change Karna:

  • Right-click on taskbar → Taskbar settings
  • Scroll down to Taskbar behaviors → Alignment: Left ya Center choose karein

3. Taskbar Buttons On/Off Karna:

  • Settings > Personalization > Taskbar
  • Yahan se aap Widgets, Search, Task View, Chat jaise buttons ko ON/OFF kar sakte hain

4. Auto-hide Taskbar:

  • Taskbar settings me jayein
  • “Automatically hide the taskbar” option ko enable karein

Gadgets ya Widgets Kya Hote Hain?

Pehle ke Windows versions jaise Windows 7 me Desktop Gadgets jaise clock, calendar, CPU meter, weather, etc. directly desktop par dikhte the. Lekin Windows 11 me un gadgets ko Widgets ke naam se reintroduce kiya gaya hai naye design, naye features, aur security ke saath.

Widgets ek smart feature hai jisme aapko personalized content milta hai jaise:

  • Weather updates
  • Latest news
  • Calendar and reminders
  • Stock market updates
  • Sports scores
  • Traffic info
  • To-do lists

Widgets ek slide-out panel me aate hain jo aapke desktop ke left side se appear hota hai.

Windows 11 Me Widgets Ko Kaise Access Karein?

Step-by-Step:

  1. Desktop ya Taskbar par left side me jo Widgets icon (ek rectangle with curved corners) hota hai, uspe click karein
  2. Aapka Widgets panel open ho jayega
  3. Yahan par aap scroll karke alag-alag widgets dekh sakte hain
  4. Customize karne ke liye kisi bhi widget ke top-right corner pe click karein (3 dots)
  5. Add Widget karne ke liye bottom me “+ Add widgets” par click karein

Windows 11 Me Desktop Background Kaise Change Karein? (Step-by-Step Guide)

Aapka desktop wallpaper aapke computer ke mood ko set karta hai — aur Windows 11 me aapko apne desktop background ko personalize karne ke liye kai options milte hain jaise ki: picture, slideshow, solid color, ya Windows spotlight. Naya background lagane se aapka system zyada fresh aur professional lagta hai.

Step-by-Step: Desktop Background Change Kaise Karein

Method 1: Through Settings

  1. Right-click karein desktop par
  2. Select karein Personalize
  3. Aap Background section me pahuch jaayenge
  4. “Personalize your background” ke option me se choose karein:
    • Picture – Ek image choose karein
    • Solid Color – Simple color background
    • Slideshow – Multiple pictures set karein (auto-change)
  5. “Choose your picture” ke neeche se:
    • Default Windows wallpapers choose kar sakte hain
    • Ya “Browse” button se apni image upload kar sakte hain
  6. Image ka fit choose karein – Fill, Fit, Stretch, Tile, Center

Bas ho gaya, Aapka naya background ab desktop par dikh raha hoga.

Method 2: Directly from File Explorer

  1. File Explorer me jayein aur jis image ko background banana hai uspar right-click karein
  2. Select karein: Set as desktop background

Agar aapko har din naya wallpaper chahiye, to Slideshow option use karein. Ek folder select karein jisme multiple images ho, aur Windows 11 unhe automatically change karta rahega — interval bhi aap set kar sakte hain.

Screen Saver Kya Hota Hai Aur Windows 11 Me Kaise Set Karein?

Screen Saver ek animation ya image hota hai jo aapke screen par tab activate hota hai jab aap kuch der tak system ka use nahi karte. Pehle ke zamanon me screen burn-in se bachane ke liye iska use hota tha, lekin aaj ke modern displays me iska use zyada tar aesthetic aur privacy ke liye hota hai. Jaise ki Aap chahte hain ki jab aap apne desk se uth jaayein, to screen automatically lock ho jaye aur ek photo slideshow ya black screen dikhe  to screen saver perfect tool hai. Office aur personal privacy ke liye bhi ye kaafi useful feature hai.

Windows 11 me bhi aap apne manpasand screen saver ko set kar sakte hain jaise bubbles, blank screen, 3D text, ya apni photo slideshow.

Step-by-Step: Screen Saver Kaise Set Karein Windows 11 Me

  1. Desktop par right-click karein → Select karein Personalize
  2. Niche scroll karke Lock screen par click karein
  3. Lock screen settings me neeche jayein aur click karein: Screen saver settings

Ek pop-up window open hogi jahan se aap apna screen saver choose kar sakte hain.

  1. “Screen saver” drop-down menu se ek option choose karein:
    • 3D Text
    • Bubbles
    • Mystify
    • Blank
    • Photos
  2. Wait time set karein (jaise 5 minutes) — ye time define karega ki kitni der inactivity ke baad screen saver start hoga
  3. Agar aap chahen to “On resume, display logon screen” checkbox enable karke extra security bhi rakh sakte hain
  4. Click karein Apply → OK
Agar aapko ye blog post pasand aayi ho aur aapne Windows 11 ke Desktop, Icons, Taskbar, Widgets, Background aur Screen Saver ke baare me kuchh naya seekha ho, to niche diye gaye MCQ quiz ko zarur attempt karein. 

Windows 11 – Desktop & Personalization MCQ Quiz

1. Windows 11 me desktop kya hota hai?

Ek type ka folder
System ka home screen ya workspace
Sirf ek background image
Recycle Bin ka naam

2. Taskbar ka default alignment Windows 11 me kya hai?

Left
Right
Center
Top

3. Widgets panel ko Windows 11 me kaise access kiya ja sakta hai?

Start menu ke through
File Explorer se
Taskbar ke left side icon se
Control Panel se

4. Desktop background change karne ke liye kaun sa option sahi hai?

Task Manager
Personalize settings
Command Prompt
BIOS settings

5. Screen saver ka main purpose kya hota hai?

RAM badhane ke liye
System restart karne ke liye
Display ko burn-in se bachana aur privacy
Games chalane ke liye


Aise hi aur easy-to-understand computer tutorials ke liye blog ke saath jude rahiyega. Dhanyabaad


-
Labels: , , , , , , , ,

No comments:

Post a Comment

Subscribe to: Post Comments (Atom)